ប្រធានាធិបតីលោកដូណាល់ត្រាំកាលពីថ្ងៃអាទិត្យបានយល់ស្របចំពោះគំនិតដែលថាលោកអាចបន្តកាន់អំណាចអាណត្តិទី៣ក្នុងសេតវិមាន។
លោកត្រាំបានផ្តល់កិច្ចសម្ភាសតាមទូរស័ព្ទជាមួយសារព័ត៌មានNBC លោកស្រី Kristen Welker នាថ្ងៃអាទិត្យថា “មានមនុស្សជាច្រើនចង់ឲ្យខ្ញុំធ្វើវា ប៉ុន្តែខ្ញុំគិតថា យើងនៅមានផ្លូវដ៏វែងឆ្ងាយទៅមុខទៀត។ ខ្ញុំផ្តោតសំខាន់លើបច្ចុប្បន្នភាព”។
យោងតាមរដ្ឋធម្មនុញ្ញសហរដ្ឋអាមេរិកដែលបានអនុម័តកាលពីឆ្នាំ១៩៥១ បានចែងថា “គ្មាននរណាម្នាក់ត្រូវបានបោះឆ្នោតឲ្យក្លាយជាប្រធានាធិបតីលើសពី ២ដងឡើយ”។
លោកត្រាំតែងតែនិយាយលេងសើចពីរឿងឡើងកាន់អំណាចក្នុងអាណត្តិទី៣ និងនិយាយនៅក្នុងកិច្ចប្រជុំក្នុងរដ្ឋNevadaកាលពីខែមករាបែបកំប្លែងថា “វាជាមហាកិត្តយសសម្រាប់ជិវិតខ្ញុំក្នុងការបម្រើប្រទេស មិនមែនម្តង ប៉ុន្តែពីរដងឬបីដង ឬបួនដង” ។ ក្រោយមកទៀតលោកបានបញ្ជាក់យ៉ាងច្បាស់ថា “នឹងមានពីរលើកទៀត សម្រាប់បួនឆ្នាំខាងមុខ ហើយខ្ញុំនឹងមិនសម្រាកទេ”។
ប្រភព:CNN
