សមត្ថកិច្ចឃាត់ខ្លួនបុរសម្នាក់ ក្រោយលួចនេសាទខុសច្បាប់ក្នុងភូមិសាស្ត្រស្រុកឯកភ្នំ

បាត់ដំបង ៖ នៅថ្ងៃទី២០ ខែមេសា ឆ្នាំ២០២៥ វេលាម៉ោង០១៖០០នាទី សមត្ថកិច្ចស្រុកឯកភ្នំ សហការជាមួយកម្លាំងតំបន់ប្រតិបត្តិការសឹងរងស្រុកឯកភ្នំ បានចុះបង្រ្កាបករណីនេសាទដោយប្រើប្រាស់ឧបករណ៏ខុសច្បាប់ (ឆក់ត្រី) ឃាត់ខ្លួនបុរសម្នាក់ នៅចំណុចភូមិព្រៃចាស់ ឃុំព្រៃចាស់ ស្រុកឯកភ្នំ ខេត្តបាត់ដំបង។

ជនសង្ស័យខាងលើមានឈ្មោះ រស់ រ័ត្ន ភេទប្រុស អាយុ៤៥ឆ្នាំ មានទីលំនៅភូមិព្រៃចាស់ ឃុំព្រៃចាស់ ស្រុកឯកភ្នំ ខេត្តបាត់ដំបង នាំខ្លួនមកកាន់អធិការដ្ឋាននគរបាលស្រុកឯកភ្នំ ។

វត្ថុតាងចាប់យកបានរួមមាន៖ អាំងវិចទ័រសម្រាប់ឆក់ត្រីចំនួន ០១គ្រឿង, អាគុយ៧០អំពែរចំនួន០១គ្រាប់។

បច្ចុប្បន្ន សមត្ថកិច្ចជំនាញកំពុងកសាងសំណុំរឿងបញ្ជូនជនសង្ស័យខាងលើទៅកាន់ផ្នែកជលផល ដើម្បីចាត់ការបន្ត និងអនុវត្តតាមនីតិវិធីច្បាប់៕