WILMINGTON, Delaware: សាកលវិទ្យាល័យ Harvard បានស្នើសុំចៅក្រមនៅថ្ងៃចន្ទទី២ខែមិថុនាឲ្យចេញសេចក្តីសម្រេចរារាំងការបង្កកមូលនិធិ២.៥ពាន់លានដុល្លារអាមេរិកដែលបានដាក់ចេញដោយរដ្ឋបាលលោកដូណាល់ត្រាំ។
រដ្ឋបាលលោកត្រាំនៅមិនទាន់ធ្វើការឆ្លើយតបភ្លាមៗលើការស្នើសុំនេះនៅឡើយទេ។ ចំណែកសាកលវិទ្យាល័យ Harvard បានប្តឹងរដ្ឋបាលលោកត្រាំនៅខែមេសា ដោយចោទប្រកាន់ការបង្កកមូលនិធិនេះថាជាការរំលោភសិទ្ធិសាលាក្នុងការបញ្ចេញមតិនិងមានលក្ខណៈបំពានគួរឲ្យខ្ពើម។
សាកលវិទ្យាល័យបាននិយាយថាការបញ្ចប់មូលនិធិនេះនឹងបំផ្លាញការសិក្សាស្រាវជ្រាវពីការព្យាបាលជំងឺមហារីក, ជំងឺឆ្លងនិង ជំងឺ Parkinson។
សាកលវិទ្យាល័យ Harvard ក៏ដូចជាសាកលវិទ្យាល័យផ្សេងទៀតបាននិយាយថាការវាយប្រហាររបស់លោកត្រាំគឺជាការគម្រាមសេរីភាពក្នុងការបញ្ចេញមតិនិងសេរីភាពក្នុងការសិក្សារៀនសូត្រក៏ដូចជាការគម្រាមកំហែងដល់អត្ថិភាពសាលាផងដែរ។
ប្រភព: CNA news
