ករណីចាប់ជំរិតនិងព្យាយាមលួច Bitcoin នៅសហរដ្ឋអាមេរិក

NEW YORK: គណៈវិនិច្ឆ័យជាន់ខ្ពស់បានចោទប្រកាន់អ្នកវិនិយោរូបិយប័ណ្ណម្នាក់អាយុ៣៧ឆ្នាំពីបទចាប់ជំរិតដៃគូអាជីវកម្មនៅសង្កាត់Sohoដ៏ទំនើបមួយនៃតំបន់ Manhattanរយៈពេល៣សប្តាហ៍។ជនល្មើសបានឆក់ជនរងគ្រោះនឹងខ្សែភ្លើងអគ្គសនីហើយព្យួរជនរងគ្រោះនៅលើជណ្តើរដើម្បីឲ្យជនរងគ្រោះប្រាប់ពាក្យសម្ងាត់ Bitcionរបស់គាត់។

លោក John Woeltz ត្រូវបានចាប់ខ្លួននៅថ្ងៃទី២៣ខែឧសភា។យោងតាមបណ្តឹងព្រហ្មទណ្ឌដែលតម្កល់នៅតុលាការព្រហ្មទណ្ឌ Manhattan ជនរងគ្រោះជាបុរសម្នាក់ដែលមិនបញ្ចេញឈ្មោះបានប្រាប់ប៉ូលីសទីក្រុងញ៉ូយកថា ជនល្មើសឈ្មោះWoeltz និងបុរសម្នាក់ទៀតឈ្មោះ William Duplessie នៅថ្ងៃទី៦ខែឧសភាបានប្រើប្រាស់ឧបករណ៍អគ្គីសនីនិងបានដកហូតលិខិតឆ្លងដែនរបស់គាត់បង្ខំឲ្យប្រាប់ពាក្យសម្ងាត់Bitcion ដើម្បីលួចយកលុយរបស់គាត់។

យោងតាមពាក្យបណ្តឹងរបស់ជនរងគ្រោះបានសរសេរថា នៅពេលដែលគាត់បានបដិសេធមិនប្រាប់ពាក្យសម្ងាត់Bitcion ជនល្មើសឈ្មោះ Woeltz និង ឈ្មោះDuplessie បានវាយដំគាត់យ៉ាងឃោរឃៅ។ក្រោយមកជនរងគ្រោះបានរត់គេចខ្លួននៅប៉ុន្មានសប្តាហ៍បន្ទាប់ពីត្រូវបានចាប់ជំរិត។ ជនល្មើសទាំងពីរបានចាប់ចងដៃជនរងគ្រោះ ហើយវាយក្បាលនឹងកាំភ្លើងនិងបានគម្រាមសម្លាប់គ្រួសាររបស់ជនរងគ្រោះ។ 

សូមបញ្ជាក់ផងដែរថាជនល្មើសឈ្មោះ Woeltz និងបក្ខពួកនឹងត្រូវកាត់ទោសនៅថ្ងៃទី១១ខែមិថុនា។

ប្រភព: CNA news