
ហុងកុង (AP): កូនខ្លាឃ្មុំយក្សកើតដំបូងគេនៅហុងកុងទីបំផុតទទួលបានឈ្មោះហើយគឺ “Jia Jia” និង “De De”។

ឈ្មោះរបស់កូនខ្លាឃ្មុំនេះបានន័យមកពីពាក្យ “បងស្រី” និង”ប្អូនប្រុស” ដែលត្រូវបានគេប្រកាសនៅថ្ងៃអង្គារ៍ក្នុងពិធីមួយរបស់សួនកម្សាន្ត Ocean Park ដែលសួនកម្សាន្តនេះជាផ្ទះរបស់ពួកគេ មានឪពុកម្តាយនិងកូនខ្លាឃ្មុំផែនដាយក្សចំនួន២ក្បាល ដែលយកមកពីចិនដីគោកកាលពីឆ្នាំមុន។

កំណើតកូនខ្លាឃ្មុំផែនដាភ្លោះនេះកើតនៅខែសីហា ដែលធ្វើឲ្យម្តាយរបស់ពួកគេឈ្មោះ Ying Ying ក្លាយជាអ្នកម្តាយផែនដាដែលមានវ័យចំណាស់ដំបូងគេបំផុតនៅលើពិភពលោក។ ភាពល្បីល្បាញរបស់ពួកគេនៅក្នុងស្រុក, អ្នកមកទស្សនានិងនៅលើប្រព័ន្ធផ្សព្ធផ្សាយបណ្តាញសង្គមបានបង្កើនក្តីសង្ឃឹមក្នុងការទាក់ទាញភ្ញៀវទេសចរណ៍នៅក្នុងទីក្រុង ដែលអ្នកនយោបាយហៅឱកាសពាណិជ្ជកម្មនេះថាជា “សេដ្ឋកិច្ចខ្លាឃ្មុំផែនដា”។

លោក Paulo Pongម្ចាស់សួនកម្សាន្ត Ocean Park សង្ឃឹមថាសន្ទុះនៃការកើនឡើងនេះនឹងបន្តរហូតដល់រដូវក្តៅ, រដូវកាលបុណ្យហាឡូវីននិងគ្រីស្តមាស ដែលសួនកម្សាន្តនេះទទួលបានកំណត់ត្រាបានកើនជិត៤០%នៃលំហូរអ្នកមកទស្សនានិងកំណើន៤០%នៃប្រាក់ចំណូលសរុបក្នុងអំឡុងពេលថ្ងៃឈប់សម្រាកចំនួន៥ថ្ងៃនៅដើមខែឧសភានេះក្នុងទឹកដីចិនដីគោក។
ប្រភព: CNN news



Leave a Reply