ប្រធានាធិបតីអាមេរិក លោក ដូណាល់ ត្រាំ បាននិយាយថាម្នាក់ក្នុងចំណោមសមាជិក២នាក់នៃឆ្មាំជាតិ ដែលត្រូវបានបាញ់នៅវ៉ាស៊ីនតោនឌីស៊ី កាលពីថ្ងៃពុធ បានទទួលមរណភាពហើយ។
ប្រធានាធិបតីអាមេរិកលោក Trump បាននិយាយកាលពីល្ងាចថ្ងៃព្រហស្បតិ៍ទី២៧ថា លោកស្រី Sarah Beckstrom អាយុ ២០ ឆ្នាំបានស្លាប់ដោយសាររបួសរបស់នាង។
លោកបន្ថែមទៀតថា សមាជិកឆ្មាំជាតិទីពីរគឺលោក Andrew Wolfe អាយុ ២៤ ឆ្នាំ “កំពុងតស៊ូដើម្បីជីវិតរបស់គាត់” ។ សូមបញ្ជាក់ផងដែរថា លោក Andrew កំពុងទទួលការវះកាត់។
អ្នកទាំងពីរត្រូវបានបាញ់នៅចម្ងាយជិតក្បែរទីលាន Farragut ក្នុងទីប្រជុំជនបន្ទាប់ពីម៉ោងប្រមាណ ២ រសៀលកាលពីថ្ងៃពុធ។ ប៉ូលិសបានចាប់ខ្លួនជនសង្ស័យម្នាក់ឈ្មោះ Rahmanullah Lakanwal អាយុ ២៩ ឆ្នាំមកពីប្រទេសអាហ្វហ្គានីស្ថាន។
លោកប្រធានាធិបតី Trump បានបញ្ជាក់ពីការស្លាប់របស់លោកស្រី Beckstrom ខណៈពេលកំពុងនិយាយទូរស័ព្ទក្នុងពិធី thanksgiving ជាមួយកងទ័ពអាមេរិក ។
ប្រភព: BBC news
