តូក្យូ/ប៉េកាំង៖ ប្រទេសជប៉ុនបានបន្ថយកម្តៅជម្លោះការទូតដែលកើនឡើងជាមួយប្រទេសចិនជុំវិញកោះតៃវ៉ាន់ ដែលបានជំរុញឱ្យទីក្រុងប៉េកាំង ប្រាប់ពលរដ្ឋរបស់ខ្លួនឱ្យនៅឆ្ងាយពីប្រទេសជប៉ុន។
ជម្លោះនេះបានផ្ទុះឡើងបន្ទាប់ពីនាយករដ្ឋមន្ត្រីលោកស្រី Sanae Takaichi បានប្រាប់សមាជិកសភាជប៉ុនកាលពីដើមខែនេះថា ការវាយប្រហាររបស់ចិនលើកោះតៃវ៉ាន់ ជាការគំរាមកំហែងដល់ការរស់រានមានជីវិតរបស់ជប៉ុន ដែលអាចបង្កឱ្យមានការឆ្លើយតបខាងយោធា ដែលជាសេណារីយ៉ូដែលរដ្ឋបាលជប៉ុនមុនៗបានចៀសវាងការពិភាក្សាជាសាធារណៈដើម្បីជៀសវាងការបង្កហេតុដល់ទីក្រុងប៉េកាំងដែលទាមទារកោះតៃវ៉ាន់។
លោក Masaaki Kanai អគ្គនាយកនៃការិយាល័យអាស៊ី និងអូសេអានី របស់ក្រសួងការបរទេសជប៉ុន នឹងជួបសមភាគីចិន លោក Liu Jinsong នៅទីក្រុងប៉េកាំង ក្នុងសប្តាហ៍នេះ ប្រព័ន្ធផ្សព្វផ្សាយជប៉ុនបានរាយការណ៍កាលពីថ្ងៃចន្ទថា លោក Kanai ត្រូវបានគេរំពឹងថានឹងពន្យល់ចិនថា ការអត្ថាធិប្បាយរបស់លោកស្រី Takaichi មិនមែនជាសញ្ញានៃការផ្លាស់ប្តូរគោលនយោបាយសន្តិសុខរបស់ប្រទេសជប៉ុនទេ និងជំរុញឱ្យប្រទេសចិន ចៀសវាធ្វើសកម្មភាពដែលបំផ្លាញទំនាក់ទំនងប្រទេសទាំងពីរបន្ថែមទៀត។
ប្រភព: Reuters
