កូឡុំបូ៖ តុលាការស្រីលង្កាបានអនុញ្ញាតឲ្យអតីតប្រធានាធិបតី Ranil Wickremesinghe នៅក្រៅឃុំកាលពីថ្ងៃអង្គារ ទី២៦ ខែសីហា ដែលលោកត្រូវបានចាប់ខ្លួនកាលពីសប្តាហ៍មុន ជុំវិញការចោទប្រកាន់ថាលោកបានប្រើប្រាស់ថវិការដ្ឋខុសច្បាប់ពេលកំពុងកាន់តំណែង។
លោកWickremesinghe មានអាយុ ៧៦ ឆ្នាំបានចូលរួមសវនាការតាមរយៈ Zoom ពីមន្ទីរពេទ្យមួយ។ គណបក្សរួបរួមជាតិ (UNP) របស់លោកបាននិយាយថា លោកត្រូវបានគេអនុញ្ញាតឱ្យនៅក្រៅឃុំកាលពីចុងសប្តាហ៍តាមការណែនាំរបស់វេជ្ជបណ្ឌិតដើម្បីតាមដានសុខភាពរបស់គាត់។
អ្នកគាំទ្ររាប់រយនាក់ រួមទាំងអ្នកនយោបាយប្រឆាំង បានប្រមូលផ្តុំគ្នានៅខាងក្រៅតុលាការនៅកណ្តាលទីក្រុងកូឡុំបូ ដើម្បីរងចាំស្តាប់លិទ្ធផល។ ប៉ូលិសបានបិទអគារដោយដាក់របាំងពណ៌លឿងដើម្បីការពារហ្វូងមនុស្សទាំងនោះ។
គណបក្ស UNP បាននិយាយថា លោក Wickremesinghe ដែលបានបាត់បង់អំណាចនៅក្នុងការបោះឆ្នោតប្រធានាធិបតីឆ្នាំ២០២៤ គឺគ្មានកំហុសទេ ហើយបានស្នើថាករណីប្រឆាំងនឹងគាត់គឺជាហេតុផលនយោបាយ ដែលគណបក្សកាន់អំណាចរបស់ប្រទេសស្រីលង្កា ដែលដឹកនាំដោយលោកប្រធានាធិបតី Anura Kumara Dissanayake បានបដិសេធជុំវិញរឿងនេះ។
ប្រភព: CNA news
សូមចុចSubscribe Channel Telegramដើម្បីទទួលបានព័ត៌មានថ្មីៗទាន់ចិត្ត
