សេអ៊ូល៖ រដ្ឋអាជ្ញាពិសេសដឹកនាំការស៊ើបអង្កេតបាននិយាយថា អតីតជំទាវទី១របស់កូរ៉េខាងត្បូងលោកស្រី Kim Keon Hee ត្រូវបានចាប់ខ្លួន បន្ទាប់ពីតុលាការកាលពីល្ងាចថ្ងៃអង្គារ ទី១២ ខែសីហា បានចេញដីកាចាប់ខ្លួនលោកស្រីបន្ទាប់ពីមានការចោទប្រកាន់ពីបទពុករលួយ តែលោកស្រីបានបដិសេធ។
លោកស្រីKim គឺជាអតីតស្ត្រីទីមួយរបស់ប្រទេសកូរ៉េខាងត្បូង ជាភរិយាអតីតប្រធានាធិបតីគឺលោក Yoon Suk Yeol កំពុងស្ថិតនៅក្នុងពន្ធនាគារដែរនោះ។លោកប្រឈមមុខនឹងការកាត់ទោសបន្ទាប់ពីការបណ្តេញគាត់ចេញពីតំណែងកាលពីខែមេសា ជុំវិញការដាក់ច្បាប់អាជ្ញាសឹកក្នុងខែធ្នូ ឆ្នាំ២០២៤។
ការចោទប្រកាន់លើលោកស្រីដែលត្រូវផ្តន្ទាទោសដាក់ពន្ធនាគារទាក់ទងនឹងបទល្មើសរាប់ចាប់ពីការក្លែងបន្លំភាគហ៊ុន រហូតដល់ការស៊ីសំណូក និងការជ្រៀតជ្រែកឥទ្ធិពលខុសច្បាប់ ដែលពាក់ព័ន្ធនឹងម្ចាស់អាជីវកម្ម ឥស្សរជនសាសនា និងឈ្មួញកណ្តាលអំណាចនយោបាយ។
សូមបញ្ជាក់ផងដែរថាលោក Yoon កំពុងស្ថិតក្នុងការកាត់ទោសលើបទចោទប្រកាន់ពីបទបះបោរ ដែលអាចមានទោសជាប់ពន្ធនាគារអស់មួយជីវិត ឬអាចមានទោសប្រហារជីវិត។
ប្រភព: CNA news
