JERUSALEM: នាយករដ្ឋមន្ត្រីអ៊ីស្រាអែល លោក Benjamin Netanyahu បាននិយាយកាលពីថ្ងៃទី ១០ខែសីហាថា ផែនការថ្មីរបស់លោកក្នុងការពង្រីកសង្រ្គាមនៅក្នុងតំបន់ Gaza និងកំណត់គោលដៅលើបន្ទាយ ក្រុមHamas ដែលនៅសេសសល់នៅទីនោះ គឺជា “វិធីល្អបំផុតដើម្បីបញ្ចប់សង្រ្គាម” ដោយវាប្រឆាំងនឹងការអំពាវនាវដែលកំពុងកើនឡើងដើម្បីបញ្ឈប់ការប្រយុទ្ធ។
ដើម្បីការពារផែនការរបស់គាត់នៅក្នុងសន្និសីទសារព័ត៌មានមួយក្នុងទីក្រុងJerusalem នាយករដ្ឋមន្ត្រីរូបនេះបាននិយាយថា ប្រតិបត្តិការថ្មីនឹងត្រូវបានអនុវត្តនៅលើ “កាលវិភាគដ៏ខ្លីមួយ ដោយសារយើងចង់ធ្វើឱ្យសង្រ្គាមឈានដល់ទីបញ្ចប់”។
ការរិះគន់កាន់តែខ្លាំងឡើង បន្ទាប់ពីគណៈរដ្ឋមន្ត្រីសន្តិសុខរបស់លោក Netanyahu បានប្រកាសផែនការនៅថ្ងៃទី ៨ ខែសីហា ដើម្បីពង្រីកជម្លោះ និងដណ្តើមកាន់កាប់ទីក្រុង Gaza។
ប៉ុន្តែលោក Netanyahu បានផ្គើនកាលពីថ្ងៃទី ១០ ខែសីហា ដោយប្រាប់អ្នកកាសែតថា “នេះគឺជាវិធីល្អបំផុតដើម្បីបញ្ចប់សង្រ្គាម និងជាវិធីល្អបំផុតដើម្បីបញ្ចប់វាឱ្យលឿន”។
លោកបាននិយាយថា “អ៊ីស្រាអែលគ្មានជម្រើសអ្វីក្រៅពីបញ្ចប់ការងារ និងបញ្ចប់ការបរាជ័យរបស់ក្រុមហាម៉ាស់។ ឥឡូវនេះ យើងបានធ្វើវាសំរេចបានយ៉ាងច្រើន។ យើងកាន់កាប់តំបន់Gazaហ្សាប្រហែល ៧០%ទៅ ៧៥% នៅក្រោមការគ្រប់គ្រងរបស់អ៊ីស្រាអែល ដែលជាការគ្រប់គ្រងដោយយោធា”។
ប្រភព: The Straits Times
