វ៉ាស៊ីនតោន៖ ប្រធានាធិបតីអាមេរិក លោក ដូណាល់ ត្រាំ បាននិយាយកាលពីថ្ងៃអាទិត្យ ទី១០ ខែសីហាថាជនអនាថាត្រូវតែផ្លាស់ទីទៅឲ្យឆ្ងាយពីទីក្រុងវ៉ាស៊ីនតោន ជាកន្លែងដែលលោកបានលើកឡើងថា ឧក្រិដ្ឋកម្មកំពុងកើនឡើង។
លោកប្រធានាធិបតីបានបង្ហោះនៅលើគេហទំព័របណ្តាញសង្គម Truth Social របស់លោកកាលពីថ្ងៃអាទិត្យថា “ខ្ញុំនឹងធ្វើឱ្យរដ្ឋធានីរបស់យើងមានសុវត្ថិភាព និងស្រស់ស្អាតជាងអ្វីដែលធ្លាប់មានពីមុនមក។
លោកបានបន្តទៀតថា “ជនអនាថាត្រូវតែរើចេញភ្លាមៗ យើងនឹងផ្តល់កន្លែងស្នាក់នៅប៉ុន្តែនៅឆ្ងាយពីរដ្ឋធានី” ដោយបន្ថែមថា ឧក្រិដ្ឋជននៅក្នុងទីក្រុងនឹងត្រូវជាប់ពន្ធនាគារយ៉ាងឆាប់រហ័សផងដែរ។ លោកបានបន្ថែមថា៖ “វានឹងកើតឡើងយ៉ាងលឿន”។
សូមបន្ថែមឲ្យដឹងថាទីក្រុងវ៉ាស៊ីនតោនជាប់ចំណាត់ថ្នាក់ទី១៥ នៅក្នុងបញ្ជីទីក្រុងសំខាន់ៗរបស់សហរដ្ឋអាមេរិកដែលមានចំនួនប្រជាជនដែលគ្មានផ្ទះសម្បែងច្រើនជាងគេ នេះបើយោងតាមស្ថិតិរបស់រដ្ឋាភិបាលកាលពីឆ្នាំមុន។
ប្រភព: CNA news
