ប្រទេសប៉ាគីស្ថានបានកាត់ទោសសមាជិកបក្សប្រឆាំង១០៨ នាក់ឱ្យជាប់ពន្ធនាគារពីបទចូលរួមក្នុងការតវ៉ាប្រឆាំងនឹងយោធាកាលពីឆ្នាំ ២០២៣ ។
ការតវ៉ាដោយហឹង្សាបានផ្ទុះឡើងនៅទូទាំងប្រទេសក្នុងខែឧសភា ឆ្នាំ ២០២៣ បន្ទាប់ពីកងកម្លាំងសន្តិសុខបានចាប់ខ្លួនលោក Imran Khan អំឡុងពេលបង្ហាញខ្លួននៅតុលាការលើការចោទប្រកាន់ពីបទពុករលួយ។
អាជ្ញាធរបានកាត់ទោសរាប់សិបនាក់រួចមកហើយក្នុងរយៈពេលពីរឆ្នាំចុងក្រោយនេះ ប៉ុន្តែការកាត់ទោសកាលពីថ្ងៃព្រហស្បតិ៍ ទី៣១ កក្កដាដែលរាប់បញ្ចូលទាំងការជាប់ពន្ធនាគាររយៈពេល ១០ ឆ្នាំសម្រាប់មេដឹកនាំគណបក្សប្រឆាំង Omar Ayub Khan បានធ្វើឱ្យមានការប៉ះទង្គិចយ៉ាងធ្ងន់ធ្ងរដល់គណបក្ស Pakistan Tehreek-e-Insaf (PTI) របស់លោក Khan ។
លោកKhan ដែលធ្លាប់ជាតារាកីឡា cricket អន្តរជាតិ ត្រូវបានជាប់ពន្ធនាគារតាំងពីខែសីហា ឆ្នាំ ២០២៣ ប៉ុន្តែនៅតែមានប្រជាប្រិយភាពយ៉ាងខ្លាំងនៅក្នុងប្រទេសប៉ាគីស្ថាន។
លោកនៅតែប្រឈមមុខនឹងការចោទប្រកាន់ច្រើនជាង ១៥០ ករណីរាប់ចាប់ពីអំពើភេរវកម្មរហូតដល់ការលេចធ្លាយអាថ៌កំបាំងរដ្ឋ ដែលទាំងអស់នេះគាត់និងអ្នកគាំទ្ររបស់គាត់បានចាត់ទុកថាជារឿងនយោបាយ។
ប្រភព: BBC news
