សេអ៊ូល៖ មេដឹកនាំកូរ៉េខាងជើង លោក គីម ជុងអ៊ុន បានជំរុញយោធាឲ្យត្រៀមខ្លួនសម្រាប់ “សង្រ្គាមពិត” នៅអំឡុងពេលដែលលោកកំពុងអង្គុយមើលការប្រកួតបាញ់កាំភ្លើងធំ នេះបើយោងតាមការរាយការណ៍របស់គេហទំព័រសារព័ត៌មាន Pyongyang នៅថ្ងៃព្រហស្បតិ៍ទី២៤ខែកក្កដាឆ្នាំ២០២៥។
នៅក្នុងខ្សែអាត់វីដេអូដែលចាក់ផ្សាយដោយទូរទស្សន៍រដ្ឋ Kores Central កាលពីថ្ងៃព្រហស្បតិ៍ បានបង្ហាញពីសកម្មភាពទាហានកងកាំភ្លើងធំបាញ់គ្រាប់ផ្លោងឆ្ពោះទៅសមុទ្រ។ ដោយលោកគីមត្រូវបានគេមើលឃើញថាកំពុងសម្លឹងមើលតាមកែវយឹតនៅឯប៉ុស្តិ៍សង្កេតការណ៍មួយ ដែលនៅខាងមុខដោយមន្ត្រីយោធាពីរនាក់ ប៉ុន្តែទីតាំងសម្រាប់ការប្រកួតមិនត្រូវបានបង្ហាញឱ្យដឹងនោះទេ។
ទីភ្នាក់ងារសារព័ត៌មានកណ្តាលកូរ៉េបានរាយការណ៍ថា លោកគីមបានជំរុញឱ្យទាហានត្រៀមខ្លួន “សម្រាប់សង្គ្រាមពិតប្រាកដ” នៅ “គ្រប់ពេលវេលា” និងមានសមត្ថភាព “បំផ្លាញសត្រូវនៅក្នុងគ្រប់សមរភូមិ” ។
សូមបន្ថែមឲ្យដឹងដែរថា ទីភ្នាក់ងារចារកម្មកូរ៉េខាងត្បូងនិងលោកខាងលិចបានរាយការណ៍ថា ទីក្រុងព្យុងយ៉ាងបានបញ្ជូនទាហានជាង ១០០០០ នាក់ទៅកាន់តំបន់ Kursk របស់រុស្ស៊ីកាលពីឆ្នាំមុន រួមជាមួយនឹងកាំភ្លើងធំ កាំជ្រួច និងប្រព័ន្ធរ៉ុកែតរយៈចម្ងាយឆ្ងាយ។
កូរ៉េខាងត្បូងបាននិយាយទៀតថា ទាហានកូរ៉េខាងជើងប្រហែល ៦០០ នាក់ត្រូវបានសម្លាប់ និងរាប់ពាន់នាក់ទៀតរងរបួសក្នុងការប្រយុទ្ធនៅប្រទេសរុស្ស៊ី។
ប្រភព: CNA news
