វ៉ាស៊ីនតោន៖ ក្រុមហ៊ុន កូកា-កូឡា បាននិយាយនៅថ្ងៃអង្គារ ទី២២ ខែកក្កដា ថា ខ្លួននឹងបង្ហាញនូវភេសជ្ជៈដ៏ល្បីរបស់ខ្លួន ដែលផលិតដោយស្ករអំពៅដែលដាំដុះដោយសហរដ្ឋអាមេរិកនៅរដូវស្លឹកឈើជ្រុះនេះ បន្ទាប់ពីមានការអំពាវនាវពីប្រធានាធិបតីលោក ដូណាល់ត្រាំ។
នាយកប្រតិបត្តិក្រុមហ៊ុន Coca-Cola លោក James Quincey បានប្រាប់ថា “យើងនឹងនាំយករសជាតិផ្អែមរបស់ Coke ពីស្ករអំពៅរបស់អាមេរិកចូលទៅក្នុងទីផ្សារនៅរដូវស្លឹកឈើជ្រុះនេះ ហើយខ្ញុំគិតថាវានឹងក្លាយជាជម្រើសសម្រាប់អតិថិជន ” ។
ផលិតផលថ្មីនេះនឹងជាជម្រើសមួយសម្រាប់រូបមន្តស្តង់ដាររបស់ក្រុមហ៊ុនអាមេរិក ព្រោះការប្រើប្រាស់ទឹកស៊ីរ៉ូពោតមានជាតិស្ករខ្ពស់ (HFCS) ដែលជាសារធាតុផ្អែមត្រូវបានរិះគន់ដោយរដ្ឋមន្ត្រីសុខាភិបាលលោក Robert F Kennedy Jr នៅក្នុងផ្នែកមួយនៃគម្រោងរបស់គាត់គឺ “ធ្វើឱ្យសហរដ្ឋអាមេរិចមានសុខភាពល្អម្តងទៀត”។
លោក Quincey កាលពីថ្ងៃអង្គារ៍បាននិយាយថា ការប្រើប្រាស់ទឹកស៊ីរ៉ូពោតប្រពៃណីរបស់ Coke នឹងនៅតែមានលក់ដដែលគ្រាន់តែការបន្ថែម Cokeរូបមន្តស្ករអំពៅជាជម្រើសដាច់ដោយឡែកមួយផ្សេងទៀត។
ទាំងស្ករអំពៅ (sucrose) និងស្ករពោត HFCS មានផ្ទុក fructose និងគ្លុយកូសដូចគ្នា។ ការស្រាវជ្រាវភាគច្រើនបានបង្ហាញថា ស្ករទាំងពីរនេះប៉ះពាល់សុខភាពស្រដៀងគ្នា។
ប្រភព: CNA news
