វ៉ាស៊ីនតោន៖ ប្រធានាធិបតីសហរដ្ឋអាមេរិក លោក ដូណាល់ ត្រាំ ត្រូវបានធ្វើរោគវិនិច្ឆ័យថាមានជម្ងឺសរសៃវ៉ែននេះបើយោងតាមសេតវិមានរាយការណ៍កាលពីថ្ងៃព្រហស្បតិ៍ ទី១៧ខែកក្កដា បន្ទាប់ពីដៃរបស់គាត់មានស្នាមជាំខ្លាំងនិងហើមជើង។
លេខាធិការសារព័ត៌មានលោកស្រី Karoline Leavitt បានប្រាប់អ្នកយកព័ត៌មានថា លោកត្រាំក្លាយជាមនុស្សចាស់បំផុតកាន់តំណែងប្រធានាធិបតីត្រូវបានគេរកឃើញថាមាន “ជំងឺសរសៃឈាមវ៉ែនរ៉ាំរ៉ៃ” ។
លោកស្រីបាននិយាយថា ការប្រែពណ៌សម្បុរដៃស្តាំរបស់លោកត្រាំគឺ “ការរលាកជាលិកាដែលបណ្តាលមកពីការចាប់ដៃញឹកញាប់” និងការប្រើប្រាស់ថ្នាំអាស្ពីរីនជាផ្នែកនៃការព្យាបាលសរសៃឈាមបេះដូង។
លោកស្រីLeavitt បាននិយាយទៀតថាលោកត្រាំបានស្នើសុំឱ្យនាងចែករំលែកការធ្វើរោគវិនិច្ឆ័យនេះនៅក្នុងគោលបំណងបង្ហាញភាពច្បាស់លាស់ ។
ប្រភព: CNA news
