VIENNA: អតីតសិស្សម្នាក់បានបាញ់សម្លាប់មនុស្សចំនួន១០នាក់និងសម្លាប់ខ្លួនឯងតាមក្រោយនៅអនុវិទ្យាល័យមួយកន្លែងនៅទីក្រុង Graz នៃប្រទេសអូទ្រីស នៅថ្ងៃអង្គារ៍ទី១០ខែមិថុនា។នេះជាការបាញ់ប្រហារដ៏អាក្រក់បំផុតមួយនៅក្នុងសាលារៀននៅក្នុងប្រវត្តិសាស្រ្តសម័យថ្មីរបស់ប្រទេសអូទ្រីស។
រដ្ឋមន្រ្តីក្រសួងមហាផ្ទៃលោក Gerhard Karner បាននិយាយថាមនុស្ស៦នាក់ដែលត្រូវបានសម្លាប់នៅសាលានោះជាមនុស្សស្រី និង៣នាក់ផ្សេងទៀតជាមនុស្សប្រុស។ ក្រោយមកមន្ទីរពេទ្យនៅទីក្រុង Graz បានបញ្ជាក់ពីការស្លាប់អ្នករបួសម្នាក់បន្ថែមទៀត។
ប៉ូលីសបាននិយាយថាអ្នកបាញ់ជាជនជាតិអូទ្រីសមានអាយុ២១ឆ្នាំនិងត្រូវបានគេប្រទះឃើញស្លាប់នៅក្នុងបន្ទប់ទឹក ។ខ្មាន់កាំភ្លើងបានធ្វើសកម្មភាពតែម្នាក់ឯងនៅពេលដែលគេបានចូលក្នុងសាលាដោយមានកាំភ្លើងពីរដើម និងបានធ្វើការបាញ់រះ។ គេនៅមិនទាន់ដឹងពីមូលហេតុក្នុងការបាញ់រះនេះនៅឡើយ។
ប៉ូលីសច្រើនជាង៣០០នាក់ត្រូវបានបញ្ជូនទៅកន្លែងកើតហេតុបន្ទាប់ពីមានការបាញ់ប្រហារនៅម៉ោងប្រហែល១០ព្រឹកនៅក្នុងសាលា ដែលមានសិស្សប្រមាណ១៥នាក់ឬច្រើនជាងនេះនៅក្នុងថ្នាក់រៀន។ ចំណែកឯរថយន្តសង្គ្រោះបន្ទាន់ក៏បានទៅដល់ប៉ុន្មាននាទីបន្ទាប់រ ដោយឡែកកន្លែងកើតហេតុក៏ត្រូវបានបិទ។
ប្រភព: CNA news
