រដ្ឋអាជ្ញាកូរ៉េខាងត្បូងបានស្នើសុំឱ្យអតីតប្រធានាធិបតី លោក Yoon Suk Yeol ត្រូវទទួលទោសប្រហារជីវិត ប្រសិនបើលោកត្រូវបានរកឃើញថាមានទោសពីបទប៉ុនប៉ងដាក់ច្បាប់អាជ្ញាសឹកមិនបានសម្រេច។
តុលាការនៅទីក្រុងសេអ៊ូលបានស្តាប់ការជជែកវែកញែកបិទបញ្ចប់នៅក្នុងសវនាការករណីលោក Yoon ដែលក្នុងនោះលោកត្រូវបានចោទប្រកាន់ថាជា “មេខ្លោងនៃការប៉ះបោរ”។
ការចោទប្រកាន់នេះកើតចេញពីការប៉ុនប៉ងរបស់លោក Yoon ក្នុងខែធ្នូ ឆ្នាំ២០២៤ ដើម្បីដាក់ចេញនូវការគ្រប់គ្រងដោយយោធានៅក្នុងប្រទេសកូរ៉េខាងត្បូង ដែលជាទង្វើមួយមានរយៈពេលត្រឹមតែប៉ុន្មានម៉ោងប៉ុណ្ណោះ ប៉ុន្តែបានធ្វើឱ្យប្រទេសនេះធ្លាក់ចូលទៅក្នុងភាពចលាចលនយោបាយ។ ក្រោយមកលោកត្រូវបានសភាចោទប្រកាន់ និងឃុំខ្លួនដើម្បីប្រឈមមុខនឹងការកាត់ទោស។
លោក Yoon បានបដិសេធការចោទប្រកាន់ប្រឆាំងនឹងលោក ដោយអះអាងថា ច្បាប់អាជ្ញាសឹកគឺជាកាយវិការនិមិត្តរូបមួយ ដើម្បីទាក់ទាញចំណាប់អារម្មណ៍សាធារណៈជនចំពោះទង្វើខុសឆ្គងរបស់គណបក្សប្រឆាំង។
ប្រភព: BBC news
