ផ្នែកខ្លះនៃប្រទេសថៃកំពុងប្រយុទ្ធនឹងទឹកជំនន់ដែលបានសម្លាប់មនុស្សយ៉ាងហោចណាស់ ៣៣ នាក់ ហើយបានជំរុញឱ្យអាជ្ញាធរដាក់ពង្រាយនាវាយោធា និងឧទ្ធម្ភាគចក្រដើម្បីជួយសង្គ្រោះ។
ទឹកជំនន់បានវាយប្រហារខេត្តចំនួន ១០ នៅទូទាំងភាគខាងត្បូងនៃប្រទេសថៃក្នុងរយៈពេលមួយសប្តាហ៍កន្លងមកនេះ ដោយទីក្រុង Hat Yai ដែលជាមជ្ឈមណ្ឌលពាណិជ្ជកម្មជាប់ព្រំដែនប្រទេសម៉ាឡេស៊ី មានទឹកភ្លៀងធ្លាក់ខ្លាំងបំផុតក្នុងរយៈពេល ៣០០ ឆ្នាំ ដែលទឹកឡើង ៣៣៥mm ក្នុងមួយថ្ងៃ។
មនុស្សជាង ២ លាននាក់នៅក្នុងប្រទេសថៃបានរងផលប៉ះពាល់ដោយទឹកជំនន់ ប៉ុន្តែមានតែ ១៣,០០០ នាក់ប៉ុណ្ណោះដែលត្រូវបានផ្លាស់ប្តូរទៅកាន់ទីទួលសុវត្ថិភាព។ មនុស្សភាគច្រើនត្រូវបានជាប់គាំង និងមិនអាចទទួលជំនួយបានឡើយ នេះបើយោងតាមទីភ្នាក់ងារព័ត៌មាន Reuters ។
ប្រភព: BBC news
