យោធាអ៊ីស្រាអែលថា ការវាយប្រហារលើមន្ទីរពេទ្យហ្គាហ្សាព្រោះមានកាមេរ៉ារបស់ក្រុមហាម៉ាស់

យោធាអ៊ីស្រាអែលបាននិយាយកាលពីថ្ងៃអង្គារទី២៦ ថាការវាយប្រហារចំនួនពីរដងទៅលើមន្ទីរពេទ្យនៅតំបន់ Gaza ដែលបានសម្លាប់មនុស្សយ៉ាងហោចណាស់ ២០ នាក់គឺជាការកំណត់គោលដៅដែលខ្លួនជឿថា មានកាមេរ៉ាឃ្លាំមើលរបស់ក្រុមហាម៉ាស់។ ប៉ុន្តែការវាយប្រហារលើកទីមួយបានសម្លាប់អ្នកថតរូបម្នាក់មកពីទីភ្នាក់ងារសារព័ត៌មាន Reuters ដែលកំពុងថតផ្សាយផ្ទាល់តាមកញ្ចក់ទូរទស្សន៍ នេះបើតាមសាក្សី និងមន្ត្រីសុខាភិបាល។

យោធាបាននិយាយថា ការវាយប្រហារទៅលើមន្ទីរពេទ្យដ៏ធំបំផុតនៅភាគខាងត្បូងនៃតំបន់ Gaza ដោយសារទាហានជឿថាពួកសកម្មប្រយុទ្ធកំពុងប្រើកាមេរ៉ាដើម្បីសង្កេតមើលកងកម្លាំងអ៊ីស្រាអែល។ ប៉ុន្តែហេតុផលនេះហាក់ដូចជាផ្ទុយនឹងសាក្សីនៅកន្លែងកើតហេតុនៃការវាយប្រហារកាលពីថ្ងៃចន្ទទៅលើមន្ទីរពេទ្យ Nasser ។

មន្ត្រីជាន់ខ្ពស់ក្រុមហាម៉ាស់បានបដិសេធថា ក្រុមហាម៉ាស់មិនបានមានប្រតិបត្តិការកាមេរ៉ានៅមន្ទីរពេទ្យនោះទេ។

សូមបន្ថែមឲ្យដឹងដែរថា អ៊ីស្រាអ៊ែលបានបើកការវាយប្រហារលើតំបន់Gazaចំនួន២ដងភ្លាមៗកាលពីថ្ងៃចន្ទដោយបានសម្លាប់ បុគ្គលិកនិងមន្រ្តីពេទ្យជាច្រើននាក់ អ្នកបើកបរឡានសង្គ្រោះបន្ទាន់ រួមទាំងអ្នកសារព័ត៌មានផងដែរ។

ប្រភព: South China Morning post
_{សូមចុចSubscribe Channel Telegramដើម្បីទទួលបានព័ត៌មានថ្មីៗទាន់ចិត្ត}