ក្វាងទុង៖ ប្រទេសចិនកំពុងជួបប្រទះនឹងការផ្ទុះឡើងនៃមេរោគ Chikungunya ដែលឆ្លងពីមូសខ្លា។មានករណីឆ្លងជំងឺនេះរាប់ពាន់នាក់ត្រូវបានរាយការណ៍នៅភាគខាងត្បូងប្រទេសចិន។
ជំងឺគ្រុនក្តៅ Chikungunya បានកើនឡើងដល់ ៤០១៤ករណីនៅថ្ងៃសុក្រទី25ខែកក្កដា ដែលអាជ្ញាធរបានចាប់ផ្តើមតាមដានករណីនេះកាលពី 2 សប្តាហ៍មុន នេះបើយោងតាមការចេញផ្សាយរបស់មន្ទីរសុខាភិបាលនៅទីក្រុង Foshan ។ ទីក្រុងនៃខេត្ត Guangdong ភាគខាងត្បូងប្រទេសចិនបានកើតជំងឺនេះច្រើន។
លោក Sun Yang អនុប្រធានមជ្ឈមណ្ឌលជាតិគ្រប់គ្រង និងបង្ការជំងឺឆ្លងបាននិយាយនៅក្នុងសន្និសីទសារព័ត៌មានកាលពីថ្ងៃពុធនៅទីក្រុង Foshan ថា ការផ្ទុះជំងឺ Chikungunya មានលក្ខណៈ “ធ្ងន់ធ្ងរ
ខ្លាំង” ។
សូមបញ្ជាក់ផងដែរថា ជំងឺChikungunya ឆ្លងចម្លងមេរោគពីមនុស្សម្នាក់ទៅម្នាក់ទៀតដោយសារមូសខាំ។ ជំងឺនេះបណ្តាលឱ្យអ្នកជំងឺក្តៅខ្លួន និងឈឺសន្លាក់ធ្ងន់ធ្ងរ ប៉ុន្តែការស្លាប់គឺកម្រណាស់ នេះបើយោងតាមអង្គការសុខភាពពិភពលោក (WHO) ។
ប្រភព: CNA news
