រដ្ឋាភិបាលអង់គ្លេសបានប្រកាសថា OpenAI ដែលជាក្រុមហ៊ុននៅពីក្រោយ ChatGPT បានចុះហត្ថលេខាលើកិច្ចព្រមព្រៀងប្រើប្រាស់កម្មវិធីបញ្ញាសិប្បនិម្មិត (AI) ដើម្បីបង្កើនផលិតភាពនៅក្នុងសេវាកម្មសាធារណៈរបស់ចក្រភពអង់គ្លេស។
កិច្ចព្រមព្រៀងដែលបានចុះហត្ថលេខាដោយក្រុមហ៊ុន និងនាយកដ្ឋានវិទ្យាសាស្ត្រអាចផ្តល់ឱ្យក្រុមហ៊ុន OpenAI ចូលប្រើទិន្នន័យរបស់រដ្ឋាភិបាល ក្នុងវិស័យអប់រំ ការពារជាតិ សន្តិសុខ និងប្រព័ន្ធយុត្តិធម៌។
លេខាធិការបច្ចេកវិទ្យាលោក Peter Kyle បាននិយាយថា “AI នឹងក្លាយជាមូលដ្ឋានគ្រឹះក្នុងការជំរុញការផ្លាស់ប្តូរ” នៅក្នុងចក្រភពអង់គ្លេសនិង”ជំរុញកំណើនសេដ្ឋកិច្ច” ផងដែរ។
លើសពីនេះ OpenAI នឹងពង្រីកការិយាល័យនៅទីក្រុងឡុងដ៍របស់ខ្លួនដែលសព្វថ្ងៃមានបុគ្គលិកជាង 100 នាក់។
ប្រភព: BBC news
