ភ្នំពេញ ៖ នាព្រឹកថ្ងៃទី២២ ខែវិច្ឆិកា ឆ្នាំ២០២៤ នេះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានជួបសំណេះសំណាលជាមួយប្អូនប្រុស ហេង គឹមហុង និស្សិតសាកលវិទ្យាល័យភូមិន្ទភ្នំពេញ និងក្រុមគ្រួសារ ដែលបាត់ម៉ូតូកាលពីម្សិលមិញនេះ។
សូមបញ្ជាក់ថាប្អូនប្រុស ហេង គឹមហុង មានទីលំនៅខេត្តរតនគិរី បានបាត់ម៉ូតូ ១គ្រឿង ក្នុងឱកាសចូលរួមពិធីប្រគល់សញ្ញាបត្រថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់ ជូននិស្សិតសាកលវិទ្យាល័យភូមិន្ទភ្នំពេញ កាលពីថ្ងៃទី២១ ខែវិច្ឆិកា ឆ្នាំ២០២៤។
ឯកឧត្តមអភិសន្តិបណ្ឌិតដោយក្ដីអាណិតនិងយកចិត្តទុកដាក់ដើម្បីជួយសម្រួលដល់ការធ្វើដំណើររបស់ប្អូនប្រុសបានឧបត្ថម្ភម៉ូតូ១គ្រឿង និងថវិកាមួយចំនួនដល់ប្អូនប្រុស និងក្រុមគ្រួសារផងដែរ៕
