ជើងហោះហើរមួយពីទីក្រុងតូក្យូទៅកាន់ទីក្រុង Houston ត្រូវបានបង្វែរទិសដៅទៅកាន់ទីក្រុង Seattleវិញ កាលពីថ្ងៃសៅរ៍ដោយសារមានអ្នកដំណើរម្នាក់ព្យាយាមបើកទ្វារយន្តហោះ។ នេះបើយោងតាមក្រុម FBI និងអ្នកនាំពាក្យទីក្រុង Seattle។
ក្រុមFBIបាននិយាយនៅក្នុងសេចក្តីថ្លែងការណ៍ថា “ក្រុមការងារនិងអ្នកដំណើរផ្សេងទៀតបានឃាត់ខ្លួនអ្នកដំណើរម្នាក់នោះ និងបានបញ្ជូនទៅកាន់មន្ទីរពេទ្យដើម្បីធ្វើការវិនិច្ឆ័យ”។
ចំណែកក្រុមហ៊ុនអាកាសចរបាននិយាយថា “ក្រុមហ៊ុន All Nippon Airways យន្តហោះលេខ ១១៤ បានធ្វើដំណើរចេញពីអាកាសយាន្តដ្ឋាន Haneda ប្រទេសជប៉ុនទៅកាន់អាកាសយាន្តដ្ឋានGeorge Bush នៅទីក្រុង Houston បានប្តូរទិសដៅដោយសារមានអ្នកដំណើរបង្កបញ្ហា”។
អ្នកនាំពាក្យលោក Chris Guizlo បាននិយាយទៀតថា “មិនមានការរាយការណ៍ណាមួយថាមានមនុស្សរបួសនៅក្នុងចំណោមអ្នកដំណើរនឹងក្រុមការងារនៅលើជើងហោះហើរនោះទេ”។
ប្រភព: CNN news
