ឯកឧត្ដមបណ្ឌិត ងិន បាណាល់ ប្រធានក្រុមការងារអភិវឌ្ឍយុវជនកម្ពុជាខេត្តព្រៃវែង និងភរិយា ព្រមទាំងថ្នាក់ដឹកនាំ សមាជិក សមាជិកានៃក្រុមការងារអភិវឌ្ឍយុវជនកម្ពុជាខេត្តព្រៃវែង សូមសម្តែងនូវអំណរសាទរ និងសូមគោរពជូននូវសព្ទ សាធុការពរគ្រប់ប្រការជូនចំពោះលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អគ្គស្នងការនៃសមាគមកាយឫទ្ធិនារីកម្ពុជា និងជាអនុប្រធានសមាគមក្រុមគ្រូពេទ្យស្ម័គ្រចិត្តយុវជនសម្តេចតេជោ ក្នុងឱកាសដ៏ឧត្តុង្គឧត្តមថ្លៃថ្លា នៃពិធីចម្រើនជន្មាយុ ដែលប្រព្រឹត្តទៅនៅថ្ងៃពុធ ៩រោច ខែបុស្ស ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២២ ខែមករា ឆ្នាំ២០២៥នេះ។
ឆ្លៀតក្នុងឱកាសដ៏មហាមង្គលប្រពៃថ្លៃថ្លានេះ យើងខ្ញុំសូមសម្តែងនូវការគោរពស្ញប់ស្ញែងចំពោះលោកជំទាវបណ្ឌិត ដែលបានប្រឹងប្រែងអស់ពីកម្លាំងកាយចិត្ត ប្រាជ្ញាស្មារតីប្រកបដោយបទពិសោធដ៏ប៉ិនប្រសប់ ក្នុងការដឹកនាំសមាគមកាយឫទ្ធិនារីកម្ពុជា ជាពិសេស ការដឹកនាំ និងធ្វើសកម្មភាពមនុស្សធម៌ និងសុខាភិបាលយ៉ាងច្រើនលើសលុប តាមរយៈសមាគមគ្រូពេទ្យស្ម័គ្រចិត្តយុវជនសម្តេចតេជោ ហ៊ុន សែន ក្នុងបុព្វហេតុជាតិ មាតុភូមិ និងប្រជាជន។ យើងខ្ញុំក៏សូមសម្តែងនូវការកោតសរសើរ ចំពោះលោកជំទាវបណ្ឌិត ដែលបានបំពេញ យ៉ាងល្អប្រសើរនូវតួនាទីជា «ស្ត្រីទីមួយ» នៃព្រះរាជាណាចក្រកម្ពុជា។
ជាថ្មីម្តងទៀត យើងខ្ញុំទាំងអស់គ្នា សូមលើកហត្ថបួងសួងដល់គុណបុណ្យព្រះរតនត្រ័យ គុណកែវទាំងបី ឫទ្ធិបារមីខ្លាំងក្លា វត្ថុស័ក្តិសិទ្ធិទាំងឡាយក្នុងលោក សូមមេត្តាតាមជួយអភិបាល គាំពារ ថែរក្សា លោកជំទាវបណ្ឌិត និងសម្តេចមហាបវរធិបតី ព្រមទាំងក្រុមគ្រួសារ សូមសមប្រកបតែនឹងពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ ជានិច្ចនិរន្តរ៍៕